Sέ7έŕ さんのプロフィールs ˚◦ஐ˚ Se7erAl3yon ˚ஐ˚◦...フォトブログリストその他  |  ツール ヘルプ |
|
2006/03/01 ‧°∴°☆. أنـا وتوأم روحــي ‧°∴°☆................................................................. ................................................................ ................................................................ ................................................................................................................................ ................................................................ ................................................................
  من مذكراتي اكتب عن حياتي وعن الي احبهم وباكتب عن اعز واغلى انسانه .. هي توأمي بالروح واتوقع لو باتكلم واكتب عنها سطور الكون مستحيل تكفيها .. ولا أقدر أعبر فيها عن شعوري ولا اقدر اوصف فيها احساسي هذا قليل من الحلا جاك منطوق واللي بقلبي يعلم الله رصيدك
 الكل يدري عن حبنا واضح من كلامنا من طريقتنا .. الاغلبيه يعلقوا على تصرفنا وكلامنا المتشابه
لو مانشوف بعض يومين نكلم بعض كأنها كانت سنين .. مثل الاحباب يعني واكثر كيف نخفي حبنا والشوق فاضحنا وفي ملامحنا من اللهفه ملامحنا
عاشـــقين ونبضـنا طفـــل حنون لـــوتــــزاعـلنـــــــا يســــامـــح لو باتكلم عنها باوصف طيبتها اللي مالها حدود .. وبراءتها الواضحه
وضعفها وقلبها الكبيـــر اللي مافيه ولاذرة كره لأحد .. وروحها المرحه وشقاوتها وعفويتها .. كثير ايام اتعلم منها اشياء واخذ من صفاتها كنا واحنا صغار مانتفق أبداً ايام التمهيدي كنا نغار من بعض ولانحب بعض وكل وحده فينا تقهر الثانيه
وتقريبا على خامس ابتدائي بدأنا نتفق وعرفنا انه مالنا الا بعض وبدأت الرجه اللي فينا .. كانت ايام روعه كنا نحب الاغاني والاناشيد حتى احنا كتبنا اناشيد بنفسنا وسجلناها مع بعض مره جناان ..لليوم محتفظين فيها نسمعها كنا صغار نتزاعل ولانتراضى كبرنا وصارت روحنا تعشق رضانا
تضيق الدنيا لو وحده فينا زعلت .. اللي تزعل لازم الثانيه تواسيها ..
نشاركـ بعض كل اللحظات الصعبه فيها والحلوه .. واغلب مواقف حياتي تشاركني فيها والمحرجه اكثر شي بس نتصرف فيها بشكل مو طبيعي اوقات كثيره نفكر ماينفع نكون مع بعض بمكان رسمي وجاد مره زي المدرسه لاننا كل مابيننا له رموز وتصرف نفهمه يعني لو صار شي مانتحمل ونخرب كل المكان .. اغار عليها من صديقاتها .. واحب اكون صديقتها الوحيده احب اكون انانيه بحبها ..
حتى دايما تقول انتي غيــر .. بس انا مايهمني اهم شي اني احبها واني اشوفها بعيوني وان صداقتنا واضحه وباقيه  روحــنــــا صح كل وحده عايشه ببيت لكن مستحيل روحنا تفارق بعض .. كل وحده تحتاج للثانيه
كل وحده فينا لو صار معاها موقف او شي لازم الثانيه تعرف .. روحي هيا روحها اللي بقلبي بقلبها .. ( خيانه ) لو وحده في شي بقلبها وماتعرفه الثانيه .. لازم نعيش لحظات بعض ونشارك بعض كل كل لحظه فرح او حزن لغتــنـــا اوقات كثيره نحتاج فيها للسكوت يكون احترام لشخص او مجبرين على السكوت او احد مهددنا لو تكلمنا مانلقى خير منه ..
او نكون ناخذ درس محتاج منا نسكت لكن مانعديها .. نتكلم بهاللحظات بلغة الاشارات وبالعيون ونفهم بعض من النظرات ونخطط ونتناقش كله برموز واشارات لبعض .. خصـــامنــا لو تعاندنا بشي وزعلنا نترك بعض وبعد دقايق نرجع ونفتح موضوع ثاني .. هذا اسلوبنا في الخصام
لو جلسنا اكثر بنطول ولا نرضا .. اخر مره تخاصمنا في المدرسه ايام الاختبارات السبب انها ماتبغى تفطر وانا خايفه عليها والا ابغاها تفطر صحبتي تقول للثانيه انتي لاتكلميهم بس اجلسي وشوفي اشكالهم .... واحنا كل وحده تعاند الثانيه .. بعدين صرنا نغني رضينا الله وراضيناك دلع حتى ودلعناك صديقاتنــا لما اتعرف على وحده اتكلم واسولف معاها لازم بنص كلامي اقول ( روني ) وبعدها اقول هذي بنت خالتي وتوأم روحي ان شالله تشوفيها .. واجلس اسولف وكل كلامي ونصه عنها ..
صديقاتي هما صديقاتها ونفس الشي عندها .. صفـــاتنــا صفاتنا وحده فينا الطيبه والخوف والحب والتسامح والعفويه والبراءه والعصبيه والضعف
والخجل والاستسلام والنعومه والمرح والحساسيه الزايده والرقه .. اللي تحب فينا لازم تخلي الثانيه تحب معاها الشي نفسه .. ولما نكره نكره شي واحد ولو وحده فينا اتصفت بشي لازم الثانيه تاخذه منها شعـــارنــا اكيد بيكون لحبنا وصداقتنا شعار ..
اما شعارنا هو 1في 2 يعني احنا اثنين بس روحنا وحده  انا بعيوني الصداقه والحب الكبير وكـــــــــل مابينا غيير عن اللي حولنا ..
واشوف نفسي مميزه بصداقتها وحبها .. حبيت اعبر عن شعوري وهذا قليل من اللي بقلبي
بس اطلب من الله لايفرقــنا ونبقى لبعض طول العمر ..  ......................................................................................................................................... コメント (29 件)
トラックバックこの記事のトラックバックの URL は次のとおりです。 http://sase7eral3yon.spaces.live.com/blog/cns!4C3AE45849298B98!849.trak この記事を参照しているブログ
|
|
|
